Сделать домашней|Добавить в избранное
 
на правах рекламы

Чадил кесек

  • Версия для печати
Добавил(а): istina от 10-04-2015, 10:58

Хинаб бакъул къоялъ чадил тукадаса къва­тIие ячIуней йикIана чIужугIадан. Гье­лъул цояб квералъ ккун букIана  сумка, цо­гидалъ - тIад гьитIинаб кесекги лъураб ча­дил буханка.  НуцIил кIалтIа гьел­да цояв тункана.

Гьев, чIужугIаданалда тIаса лъугьаянги гьа­рун, тукаде жаниве лъугьана. Амма гьев тун­караб мехалъ, буханкаялда тIад букIараб ча­дил кесек бортун араблъи чIуж­у­гIаданалда лъа­чIо. Спичкадул   къа­ли гIадаб чадил кесек ху­тIана гIа­дамал хьвадулеб къотIноб.

Дун гьеб чадил кесек бугеб бакIалдегIан унев вукIана. Дие бокьун букIана гьеб кодобе бо­сизе. Амма дидасаги  цеве цо гIолохъанчи кка­на. Гьев вукIана тамашаяб ретIел ретIарав чи, гьев релълъунаан цIулал лъутIалда. КIи­гъу­ждулъа вукIана гьев цIакъго гIебав. Гьесда тIад букIана къваридаб тIажуги, гIебугIан ха­ла­тал туфла­биги. Гье­сул бетIералда букIана  гIе­мераб за­маналда къунцIичIеб халатаб чIе­гIераб  рас. Гьорораб гIадаб кIветIал­да рукIана тIе­ренал михъалги.  Дие бокьун букIана, ас­кIо­веги ун, гьесда баизе, гьес чадил кесекалъе гьа­бураб хIурматалъе гIоло. Дун цин хIадур ву­кIана  гьесул ратIлил формаялда тIаса лъугьи­не. ГIадамасул хIали­маб ва бацIцIадаб ракI гIе­мер­го  лъи­кIаб буго гьес тIад ретIараб ратIли­да­са.

Амма хадуб гьев гIолохъанчияс гьабураб на­хъегIанаб ишалъ дир ракIгъанцIизабуна, дун ццидахи­на­вуна. Гьес гIадамаз хIатIикь мер­хьараб чадил кесек кодобе босана, гIо­до­ве­ги къулун, гьелъ жиндирго "чIухIараб" хьити­да хъвараб чо­рок­лъи бацIцIана.

Чадил кесекалъ гьев хIали­хьа­тица  хьит бацIцIунаго, дида цере чIана херал магIарулал.

Дир хириял магIарулал! Ну­жеца бице гьев на­хъегIанав хIали­хьатида, ракъуца къули­за­ри­чIого рукIине, чехьалда къоноги бухьун,  ну­ж­го хIалтIараб куц.



Теги: М. Сулиманов

Автор: ФИО или фамилия и инициалы автора

Газета №: Только число, без пробелов и др.символов. Например 43, от Число месяца выхода номера газеты. Например 12 Месяц выхода номера газеты. Например января Год выхода номера газеты. Например 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!