Сделать домашней|Добавить в избранное
 
Главная » Религия - Дин ва гIумру » Египеталъул университетал
на правах рекламы

Египеталъул университетал

  • Версия для печати
Добавил(а): Musa от 15-01-2013, 15:04
Фатимидазул заманалда Египеталъул (Мисри) административияб ва культурияб центрлъун лъугьун букIана Къагьир. Гьениб фатимидаз бараб мажгиталда цIар лъун букIана "Ал-Азгьар" абураб. Хадуб гьеб мажгит тIолабго дунялалда машгьурлъана "Ал-Азгьар" университет гIадин.

  

Гьелъие кьучI лъун букIана 970 соналдаго. 1964 соналде щвезегIан гьенир хIадур гьарулаан гIицIго ГIарабазул Цолъараб Республикаялъул (ОАР) гурелги, Азиялъул ва Африкаялъул бусурбабазул улкабазул диниял идарабазе хъулухъчагIи, шаригIаталъул къадизаби, гIараб мацIалъул ва исламияб диналъул аслабазул дарсал кьолел мугIалимзаби.

  

1964 соналда гьенир рагьана дунявиял гIелмаби малъулел факультеталги.

  

"Ал-Азгьар" университеталъул нухмалъиялда гъоркь киса-кирго рагьун рукIана байбихьул ва гьоркьохъеб лъай кьолел мактабал, тIолабго улкаялда тIиритIун рукIана филиалал.

  

Гьанжеялдаса бащдаб гIасруялъ цебе, 1963 соналда, Къуръан цIализе малъизе рагьараб 70 мадрасаялда цIалулеб букIана 17 800 лъимер, тIубачIеб гьоркьохъеб лъаялъул 47 мактабалда гIелму лъазабулеб букIана 24 азарго мутагIилас, гьоркьохъеб лъай кьолел мактабазда цIалулезул къадар бахунаан 13 азарго чиясде.

  

ЦIакъго некIсияблъун рикIкIуна 1908 соналда рагьараб Къагьиралъул университет. Гьеб университеталда аскIоб гIун бачIана студентазул шагьар. 1956 соналда Къагьиралъул университеталда цебе рагьана ракалъул унтабазул цIех-рех гьабулеб хасаб институтги.

  

1968 соналда Къагьиралъул университеталъул филиал букIана Хартумалда (Судан), Мануфия вилаяталда букIана медицинаялъул факультет, Эл-Файюм шагьаралда - магнетикаялъул станция.

  

Къагьиралда (Гелиополисалда) рагьараб цогидаб университеталда цIар буго Айн-Шамс. Гьеб рагьараб 1950 соналда гьениб букIана ичIго факультет: гуманитариял гIелмабазул ва адабияталъул, инженерияб, росдал магIишаталъул, дармилаб, педагогияб, медицинаялъул, юридикияб ва руччабазул.

  

Александрия шагьаралъул университет рагьана 1942 соналда. 1968 соналдаго гьениб букIана ичIго факультет: адабияталъул, юридикияб, дармилаб, тIабигIиял гIелмабазул, медицинаялъул, фармацевтикаялъул, физикаялъулгун математикаялъул ва росдал магIишаталъул.

  

1957 соналда Асьюталда рагьана ункъо факультет (гуманитариял гIелмабазул, инженерияб, росдал магIишаталъул ва медицинаялъул) бугеб цIияб университет.

Автор: М. КАГЬИМОВ

Газета №: 1, от 11 январь 2012г.





Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментарии:

Оставить комментарий

При использовании материалов сайта, активная гиперссылка на сайт Hakikat.Info обязательна!
При использовании материалов сайта в печатных СМИ, на ТВ, Радио - упоминание сайта обязательно!